Song 47

నన్నెంతగానో ప్రేమించెను

_________________________________________________

పల్లవి : నన్నెంతగానో ప్రేమించెను – నన్నెంతగానో కరుణించెను

      నా యేసుడు నా పాపము – నా శాపము

       తొలగించెను నను కరుణించెను (2)          

1. సాతాను బంధాలలో – జీవంపు డంబాలలో (2)
పడనీయక దరి చేరనీయక (2)

    తన కృపలో నిరతంబు నను నిల్పెను (2)   

2. సత్యంబు జీవంబును – ఈ బ్రతుకు సాఫల్యము (2)
నేర్పించెను నాకు చూపించెను (2)
     వర్ణింపగా లేను ఆ ప్రభువును (2)       

3. కల్వరి గిరిపైనను – ఆ సిలువ మరణంబును (2)
నా కోసమే యేసు శ్రమ పొందెను (2)

          నా పాపమంతటిని క్షమియించెను (2)         

4. ఘనమైన ఆ ప్రేమకు – వెలలేని త్యాగంబుకు (2)
ఏమిత్తును నేనేమిత్తును (2)

 నను నేను ఆ ప్రభుకు సమర్పింతును (2)