Song 46

నడిపించు నా నావా

_________________________________________________

పల్లవి :  నడిపించు నా నావా నడి సంద్రమున దేవా

               నవ జీవన మార్గమున నా జన్మ తరియింప       

1. నా జీవిత తీరమున నా అపజయ భారమున

     నలిగిన నా హృదయమును నడిపించుము లోతునకు

 నా యాత్మ విరబూయ నా దీక్ష ఫలియింప

             నా నావలో కాలిడుము నా సేవ చేకొనుము            

2. రాత్రంతయు శ్రమపడినా రాలేదు ప్రభు జయము

   రహదారులు వెదకిననూ రాదాయెను ప్రతిఫలము

   రక్షించు నీ సిలువ రమణీయ లోతులలో

               రతణాలను వెదకుటలో రాజిల్లు నా పడవ              

3. ఆత్మార్పణ చేయకయే ఆశించితి నీ చెలిమి

      అహమును ప్రేమించుచునే అరసితి ప్రభు నీ కలిమి

   ఆశ నిరాశాయే ఆవేదనెదురాయే

               ఆధ్యాత్మిక లేమిగని అల్లాడే నావలలు               

4.  ప్రభు మార్గము విడచితిని ప్రార్థించుట మానితిని

     ప్రభు వాక్యము వదలితిని పరమార్థము మరచితిని

      ప్రపంచ నటనలలో ప్రావీణ్యమును బొంది

             ఫలహీనుడనై యిపుడు పాటింతు నీ మాట           

5. లోతైన జలములలో లోతున వినబడు స్వరమా

  లోబడుటను నేర్పించి లోపంబులు సవరించి

  లోనున్న ఈవులలో లోతైన నా బ్రతుకు

               లోపించని అర్పనగా లోకేష చేయుమయా               

6.  ప్రభు యేసుని శిష్యుడనై ప్రభు ప్రేమలో పాదుకొని

   ప్రకటింతును లోకములో పరిశుద్ధుని ప్రేమ కథ

     పరమాత్మ ప్రోక్షణతో పరిపూర్ణ సమర్పణతో

               ప్రాణంబును ప్రభు కొరకు పానార్పణము చేతు