Song 14

ఏ పాపమెరుగని యో

_________________________________________________

పల్లవి : ఏ పాపమెరుగని యో పావన మూర్తి పాప విమోచకుండా

             నా పాలి దైవమా నా పాపముల కొర కీ పాట్లు నొందినావా

 1. ముళ్ళతో కిరీట – మల్లి నీ శిరముపై – జల్లాటమున మొత్తిరా

            ముళ్ళ పోట్లకు శిరము – తల్లడిల్లగ సోమ్మ – 
సిల్లిపోతివ రక్షకా       

2. కలువరి గిరి దనుక – సిలువ మోయలేక – 
కలవరము నొందినావా

             సిలువ నీతో మోయ – తులువలు వేరొకని – 
తోడుగా నిచ్చినారా    

3.  చెడుగు యూదులు బెట్టు – పడరాని పాట్లకు – 
సుడివడి నడచినావా

             కడకు కల్వరి గిరి – కడ కేగి సిల్వను – 
            గ్రక్కున దించినావా                      

4. ఆ కాల కర్ములు – భీకరంబుగ నిన్ను – ఆ కొయ్యపై నుంచిరా

             నీ కాలు సేతులు – ఆ కొయ్యకే సూది – 
        మేకులతో గ్రుచ్చినారా          

  5.  పలువిధంబుల శ్రమలు – చెలరేగ దండ్రికి – 
నెలుగెత్తి మొరలిడితివా

             సిలువపై పలుమారు – కలుగుచుండెడి బాధ – 
  వలన దాహము నాయెనా   

       6. బల్లిదుండగు బంటు – బల్లెమున నీ ప్రక్క – 
జిల్లి బడ బొడచినాడా

            ఉల్లోలములవలె నల్ల నీరుబుకంగ జల్లారె గద కోపము         

7.  కట కటా పాప సం – కటము బాపుట కింత – 
      పటు బాధ నొందినావా

            ఎటువంటిదీ ప్రేమ – యెటువంటిదీ శాంత – 
           మెటుల వర్ణింతు స్వామి